第21页 (第2/2页)
张爱玲提示您：看后求收藏（启明小说www.qmxs.net），接着再看更方便。
朴斋只好跟善卿同望南行。善卿慢慢说道：“上海夷场浪来一埭，白相相，用脱两块洋钱也无啥。不过耐勿是白相个辰光，耐要有仔生意，自家赚得来，用脱点倒罢哉。耐故歇生意也无拨，就屋里带出来几块洋钱，用拨堂子里也用勿得啥好。
倘忙耐洋钱末用光哉，原无拨啥生意，耐转去阿好交代？连搭我也对勿住耐哚老堂哉（口宛）。”朴斋悚然敬听，不则一声。善卿道：“我看起来，上海场花要寻点生意也难得势哚。耐住来哚客栈里，开消也省匆来，一日日哝下去，终究勿是道理。
耐白相末也算白相仔几日天哉，勿如转去罢。我搭耐留心来里，要有仔啥生意，我写封信来喊耐好哉。耐说阿是？”朴斋那里敢说半个“不”字？一味应承，也说是“转去好”。甥舅两个口里说，脚下已踅到西棋盘街聚秀堂前。善卿且把闲话掠过一边，同朴斋进门上楼。
第十二回终。
第十三回 挨城门陆秀宝开宝 抬轿子周少和碰和
按：洪善卿、赵朴斋到了陆秀宝房间里。陆秀宝梳妆已罢，初换衣裳，一见朴斋，问道：“耐一早起来去做啥？”朴斋使个眼色，叫他莫说，被秀宝啐了一口道：“有啥多花鬼头鬼脑，人家比仔耐要乖点哚！”说得朴斋反不好意思的。
秀宝转与善卿搭讪两句，见善卿将一大包放在桌上，便抢去扳开，抽出上面最小的纸盒来看，可巧是那一只“双喜双寿”戒指。秀宝径取出带上，跑过朴斋这边，嚷道：“耐说无拨，耐看囗；阿是‘双喜双寿’？”口里紧着问，把手上这戒指直搁到朴斋鼻子上去。朴斋笑辨道：“俚哚是景星招牌。耐要龙瑞，龙瑞里说无拨（口宛）。”秀宝道：“阿有啥无拨嗄，庄个倒勿是龙瑞里去拿得来？就是耐先起头吃酒日脚浪（口宛），说有十几只哚，隔仔一日就无拨哉，耐骗啥人嗄？”朴斋道：“耐要末，耐教庄个去拿末哉。”秀宝道：“耐拿洋钱来。”朴斋道：“我有洋钱末，昨日我拿仔来哉，为啥要庄个去拿？”秀宝沉下脸道：“耐倒调皮哚（口宛）！”一屁股坐在朴斋大腿上，尽力的摇晃，问朴斋：“阿要调皮嗄？”朴斋柔声告饶。秀宝道：“耐去拿仔来就饶耐。”朴斋只是笑，也不说拿，也不说不拿。
秀宝别转头来勾住朴斋头颈，撅着嘴，咕噜道：“倪勿来，耐去拿得来囗！”秀宝连说了几遍，朴斋终不开口。秀宝惭怒，大声道：“耐阿敢勿去拿！”朴斋也有三分烦躁起来。秀宝那里肯依，扭的身子像扭股儿糖一般，恨不得把朴斋立刻挤出银水来才好。
正当无可奈何之时，忽听得大姐在外喊道：“二小姐快点，施大少爷来哉！”秀宝顿然失色，飞跑出房，竟丢下朴斋和善卿在房间里，并没有一人相陪。善卿因问朴斋道：“秀宝要啥个戒指？阿是耐去买拨俚？”朴斋道：“就是庄荔甫去搭浆仔一句闲话。先起头俚哚说要一对戒指，我匆答应。荔甫去骗俚哚，说：‘戒指末现成无拨，隔两日再去打末哉。’俚为此故歇就要去打戒指。”善卿道：“故也是耐自家勿好，（要勿）去怪啥荔甫。荔甫是秀林老客人，生来帮俚哚（口宛）。耐说荔甫去骗俚哚，荔甫是就来里骗耐。耐以后末（要勿）再去上荔甫个当水哉，阿晓得？”朴斋唯唯而已，没一句回话。
