张爱玲提示您：看后求收藏（启明小说www.qmxs.net），接着再看更方便。
老婆子即道：“长大爷晚歇要来个囗，各位一淘请过来。”说了自摸索而去。
老婆子去后，诸三姐也来了，却没有挈诸十全；见了实夫，即说：“李老爷，倪搭去囗。”实夫有些不耐烦，急向他道：“我晚歇来，耐先去。”诸三姐会意，慌忙走开，还兜了一个圈子乃去。
实夫直至五点多钟方吸完烟，出了花雨楼，仍往大兴里诸十全家去便夜饭。这回却熟落了许多，与诸十全谈谈讲讲，甚是投机。至于颠驾倒凤，美满恩情，大都不用细说。
比及次日清晨，李实夫于睡梦中隐约听得饮泣之声，张眼看时，只见诸十全面向里床睡着，自在那里呜呜咽咽的哭。实夫猛吃一惊，忙问：“做啥？”连问几声，诸十全只不答应。实夫乃披衣坐起，乱想胡思，不解何故，仍伏下身去，脸偎脸问道：“阿是我得罪仔耐了动气？阿是嫌我老，勿情愿？”诸十全都摇摇手。实夫皱眉道：“价末为啥？耐说说看囗。”又连问了几声，诸十全方答一句道：“勿关耐事。”实夫道：“就匆关我事末，耐也说说看。”诸十全仍不肯说。实夫无可如何，且自着衣下床。楼下诸三姐听得，舀上脸水，点了烟灯。
实夫一面洗脸，却叫住诸三姐，盘问诸十全缘何啼哭。诸三姐先叹一口气，乃道：“怪是也怪勿得俚。耐李老爷陆里晓得？我从养仔俚养到仔十八岁，一径勿舍得教俚做生意。旧年嫁仔个家主公，是个虹口银楼里小开，家里还算过得去，夫妻也蛮好，阿是总算好个哉了？陆里晓得今年正月里碰着一桩事体出来，故歇原要俚做生意。李老爷，耐想俚阿要怨气！”实夫道：“啥个事体嗄？”诸三姐道：“（要勿）说起，就说末也是白说，倒去坍俚家主公个台。阿是（要勿）说个好。”说时，实夫已洗毕脸，诸三姐接了脸水下楼。实夫被他说得忐忑鹃突，却向榻床躺下吸烟，细细猜度。
一会儿，诸三姐又来问点心。实夫因复问道：“到底为啥事体？耐说出来，倘忙我能够帮帮俚也匆晓得。耐说说看囗。”诸三姐道：“李老爷，耐倘然肯帮帮俚，倒也赛过做好事。不过倪勿好意思搭耐说，搭耐说仔倒好像是倪来拆耐李老爷梢。”实夫焦躁道：“耐（要勿）实概囗，有闲话爽爽气气说出来末哉。”诸三姐又叹了一口气，方从头诉道：“说起来，总是俚自家运气勿好。为仔正月里俚到娘舅家去吃喜酒，俚家主公末要场面，拨俚带仔一副头面转来，夜头放来哚枕头边，到明朝起来辰光说是无拨哉呀。难末害仔几花人四处八方去瞎寻一泡，陆里寻得着嗄？娘舅哚末吓得来要死，说寻勿着是只好吃生鸦片烟哉。俚家主公屋里还有爷娘来哚，转去末拿啥来交代囗？真真无法子想哉！难末说勿如让俚出来做做生意看，倘忙碰着个好客人，看俚命苦，肯搭俚包瞒仔该桩事体，要救到七八条性命哚！我也无投啥主意哉，只好等俚去做生意。李老爷，耐想俚家主公屋里也算过得去，夫妻也蛮好，勿然啥犯着吃到仔该碗把势饭囗？”
