第27页 (第1/3页)
张爱玲提示您：看后求收藏（启明小说www.qmxs.net），接着再看更方便。
金凤恍然，重复赶去，取过七八根烟签子；签头上各有一枚烟泡。莲生本爱其娇小聪明，今见如此巴结，更胜似浑倌人，心有所感，欣然接受，嘴里说：“难为耐。”一手拉金凤坐于身旁。
金凤半坐半爬看莲生吸烟。黄珠凤扭扭捏捏给罗子富装水烟。子富推开不吸，紧着要问赎身之事。翠凤且笑且叹，慢慢说来。
第四十七回终。
第四十八回 误中误侯门深似海 欺复欺市道薄于云
按：黄翠凤当着王莲生，即向罗子富说道：“倪个无女每终究是好人，听俚闲话末好像蛮会说，肚皮里意思倒不过实概。耐看俚，三日天气得来饭也吃勿落。
昨日耐去仔，俚一干子来哚房间里反仔一泡。今朝赵家女每下头去，无女每看见仔，就搭赵家女每说，说我个多花勿好，说起：‘我衣裳、头面买俚要万把洋钱仔，勿然，俚赎身末我想多拨点俚，故歇定归一点也勿拨俚个哉！’我来里楼浪，刚刚听见，晰气末咿好笑。难末我去搭无女每说说明白，我说：‘衣裳、头面才是我撑个物事。我来里该搭，我个物事，随便啥人匆许动。我赎仔身，阿好带得去？才要交代无女每个（口宛）。悄然无女每要拨点我，勿是我客气，谢谢无女每，我末一点也匆要。（要勿）说啥衣裳、头面，就是头浪个绒绳，脚浪个鞋带，我通身一塌括仔换下来交代仔无女每，难末出该搭个门口。无女每放心末哉，我一点也匆要。’陆里晓得，倪无女每倒真个要分点物事拨我。俚道仔我末定归要俚几花哚。我说仔一点勿要，故末倪无女每再要快活也无拨，教我赎身末赎末哉，一千身价就一千米哉，替我看仔个好日子，十六写纸，十七调头，样式样才说好。
耐说阿要快？就是我也匆可帐实概个容易。”子富听了，代为翠凤一喜。
莲生不胜叹服，赞翠凤好志气，且道：“有句闲话说：‘好男勿吃分家饭，好女勿着嫁时衣。’赛过就是耐。”翠凤道：“做个倌人，总归自家有点算计，故末好挣口气。倘然我赎身出去，先空仔五六千个债，倒说勿定生意好勿好，我就要挣气也挣勿来。故歇我是打好仔稿子做个事体，有几户客人，匆来里上海才匆算，来里上海个客人就不过两户，单是两户客人照应照应我，就匆要紧个哉。五六千个债也写意得势，我也犯勿着要俚哚衣裳、头面。王老爷说得好，‘嫁时衣’还是亲生爷娘拨来哚囡仵个物事，囡仵好末也（要勿）着。我倒去要老鸨个物事！就要得来，碰关千把洋钱，啥犯着嗄？”莲生仍赞不绝口。
![本路人今天也在路过男主片场[娱乐圈]](https://www.qmxs.net/images/dWpzNDU5OHNkZmQyNWVkZn0Uykm7hcUQTl3OVri7i1DDDWvB9el2Fgw1qqzZRuf0)
