第38页 (第3/3页)
张爱玲提示您：看后求收藏（启明小说www.qmxs.net），接着再看更方便。
二宝叫声“无女每”，一把拉了洪氏，径往后面小房间，关上门，悄嘱道：“难无女每（要勿）实概囗！耐故歇做仔俚丈母哉呀，俚勿曾来请耐，耐倒先跑得出去，阿要难为情。”洪氏嘻着嘴，把头乱点。二宝临走，又嘱道：“我先上去，晚歇俚再要请耐见见末，我教阿虎答应耐，耐看见俚；就叫仔声‘三老爷’好哉，（要勿）说啥闲话。倘忙说差仔拨俚笑话！”洪氏无不遵依。
二宝遂开门出房，到楼梯边，忽见朴斋帮着小王搬取衣包什物。二宝低声喝道：“等俚哚搬末哉，要耐去瞎巴约”朴斋连忙交与阿虎带上楼去。二宝随同到了楼上房里，脱换衣裳，相伴三公子对坐笑语，没有提起赵洪氏。
一时，对过书房排好筵席，阿虎请去赴宴。二宝要说些亲密话儿，并不请一个陪客。三公子道：“请耐无女每、阿哥一淘来吃哉呀。”二宝道：“俚哚勿局个，我来里陪耐哉（口宛）。”当请三公子南向上坐，手取酒壶，满斟三杯，自斟一小杯，坐于其侧。
三公子三杯饮尽，二宝乃从容说道：“耐明朝要转去哉，我末要问声耐。耐一径说个闲话，阿做得到？倘然耐故歇说得蛮高兴，耐转去仔，屋里倒勿许耐，阿是耐要间架哉嗄？耐索性说明白仔，倒也无啥。”三公子皇然起立，道：“耐阿是勿相信我？”二宝一手捺坐，笑道：“勿是我匆相信耐，我为仔阿哥勿挣气，无法子做个倌人。自家想：陆里再有啥好结果？耐要讨我做大老母，故是我做梦也想勿到实概个好处。不过耐屋里有仔个大老母，故歇再讨个大老母转去，好像人家勿曾有过歇。（要勿）晚歇忒起劲仔，倒弄得一场空。”三公子安慰道：“耐放心，倘然我自家想讨三房家小，故末常恐做勿到；故歇是我嗣母个主意，再要讨两房，啥人好说声闲话？索性搭耐说仔罢，嗣母早就看中一头亲事来浪，倒是我搭个浆，勿曾去说。难转去末就请媒人去说亲，说定仔，我再到上海接耐转去，一淘拜堂。不过一个月光景，十月里我定归到个哉。耐放心！”
二宝听说，不胜欢喜，叮咛道：“价末耐十月里要来个囗。耐去仔，我一干子来里，勿出门口，勿见客人，等耐来仔末，我好放心。耐（要勿）为啥事体多耽搁仔噢。倘然耐屋里个夫人匆许耐讨，耐就讨我做小老母，我也就哝哝末哉。”
二宝说到这里，忽然涕泪交颐，两手爬着三公子肩膀，脸对脸的道：“我是今生今世定归要跟耐个哉，随便耐讨几个大老母，小老母，耐总（要勿）豁脱我。耐要豁脱仔我是……”一句话说不完，噎在喉咙口，“呜呜”的竟要哭。慌得三公子两手合抱拢来，搂住二宝，将自己手帕子替他轻轻揩拭，一面劝道：“耐瞎说个啥嗄！耐故歇末该应快快活活，办点零碎物事，舒齐舒齐。耐倒再要哭，真真勿着落！”
二宝趁势滚在三公子怀中，缩住哭声，切切诉道：“耐勿晓得我个苦处，我拨乡下自家场花人说仔几几花花邱话，故歇说是耐要讨我去做大老母，俚哚才匆相信，来浪笑；万一勿成功下来，我个面孔搁到陆里去！”三公子道：“再有啥勿成功？除非我死仔，故末勿成功。”二宝火速抬身，一把握了三公子的嘴，道：“耐阿要无清头，难勿搭耐说哉。”三公子一笑丢开。
